Нүүр
/
Төслийн танилцуулга
Төслийн танилцуулга
Тавантолгой - Ганцмод чиглэлийн экспортын зам
Тавантолгой - Ганцмод чиглэлийн экспортын зам
Таван толгой–Ганцмод боомтыг холбосон хүнд даацын уг экспортын авто зам нь Монгол–Хятадын хоорондын уул уурхайн экспортын гол коридорыг бүрдүүлж, хил дамнасан логистик, тээврийн сүлжээг сайжруулах замаар “Бүс ба зам” санаачилгын авто замын дэд бүтцийн чиглэлд бодитоор хувь нэмэр оруулах ач холбогдолтой. Ойролцоогоор 7.6 тэрбум тонн нөөцтэй Таван Толгойн орд нь дэлхийн хэмжээнд хамгийн том коксжих нүүрсний ордод тооцогддог ба уг замаар тээвэрлэгдэх жилийн нүүрсний экспортын хэмжээ 40-50 сая тонн байхаар тооцоолж байна.
Энэхүү коридор нь Монголын экспортын урсгалыг сайжруулахын зэрэгцээ хоёр талт худалдаанаас давж, Евразийн эх газрын хэмжээнд өсөн нэмэгдэж буй бараа, тээврийн урсгалд Монгол Улсыг илүү гүнзгий интеграцчлах ач холбогдолтой. Өөрөөр хэлбэл, уг зам нь Монголын экспортын өрсөлдөх чадварыг нэмэгдүүлэх, зах зээлийн хүрээг Төв Ази болон Евразийн эдийн засгийн бүсүүд рүү тэлэх, улмаар Монгол Улсыг бүс нутгийн логистик, нийлүүлэлтийн сүлжээний чухал зангилаа болгон төлөвшүүлэх стратегийн суурь болох юм.
Зам, тээврийн хөгжлийн яамны Бодлого зохицуулалтын газраас тус автозамын зам барилгын ажлыг үнэлж, 2025 оны 10 дүгээр сарын 30-ны байдлаар нийт гүйцэтгэл 83.1% хүрснийг баталгаажуулсан ба компанийн менежмент болон гүйцэтгэгч компанийн 500 гаруй ажилтан, 124 ширхэг хүнд даацын техник; 12 тоног төхөөрөмж нийлүүлэгч бүхий ерөнхий болон туслан гүйцэтгэгч нар уг экспортын замыг 2026 оны 3-р улиралд багтаан ашиглалтанд оруулахаар зорин ажиллаж байна.
Олон улсын жишигт нийцсэн хүнд даацын тусгай зориулалтын авто зам
Нийт урт
Замын өргөн
Даац
Хөдөлгөөний зурвас
Экспортын хэмжээг жилд 30-50 сая тоннд хүргэж, тээврийн зардлыг 2-3 дахин бууруулах боломжийг олгоно. Уул уурхайн салбарын өрсөлдөх чадварыг дээшлүүлнэ.
Олон салаа шороон замаар тээвэр хийх явдлыг зогсоож, тоосжилтыг 90% бууруулна. Хөрсний эвдрэлийг нөхөн сэргээж, экосистемийн тэнцвэрт байдлыг хангана.
Замын хөдөлгөөний аюулгүй байдлын стандартыг бүрэн хангасан, гэрэлтүүлэг, тэмдэг тэмдэглэгээ бүхий орчин үеийн зам нь осол аваарыг бууруулна.
ТЭЗҮ боловсруулах, инженерийн нарийвчилсан зураг төсөл, санхүүжилтийн гэрээ хэлцэл.
Газар шорооны ажил, гүүр хоолой, хучилтын ажил. Одоогийн байдлаар гүйцэтгэл 83.1%-тай байна.
Туршилтын тээвэрлэлт хийх, улсын комисст хүлээлгэн өгөх.
Улсын нийт экспорт болон боомтын гүйцэтгэлийн харьцуулалт
Тавантолгойн бүлэг ордын коксжих нүүрс нь Монгол Улсын стратегийн ач холбогдол бүхий ашигт малтмалын нөөц бөгөөд нөөцийн хэмжээгээр дэлхийн эхний 10-т багтдаг. Төслийн зам ашиглалтад орсноор Эрдэнэс Таван Толгой, Энержи Ресурс, Таван Толгой зэрэг томоохон уурхайгаас гарах нүүрс тээврийн экспортын үндсэн урсгалыг дэмжиж, Монгол Улсын нүүрсний экспортын ихэнх хэсгийг найдвартай, тогтвортой тээвэрлэх боломжийг бүрдүүлэхийн зэрэгцээ улсын ДНБ, экспортын орлого, төсвийн орлогын өсөлтөд стратегийн ач холбогдолтой хувь нэмэр оруулна.
Төслийн талбайгаас бэлтгэсэн фото сурвалжлага
Төслийн явц
Төслийн санхүүжилтийг дэмжих зорилгоор дотоодын биржийн бус (OTC) зах зээл дээр бонд гаргаж, барилга угсралт болон холбогдох ажлуудын нэмэлт санхүүгийн эх үүсвэрийг бүрдүүллээ.
Зам, тээврийн хөгжлийн яамны Бодлого зохицуулалтын газраас тус автозамын зам барилгын ажлыг үнэлж, 2025 оны 10 дүгээр сарын 30-ны байдлаар нийт гүйцэтгэл 83.1% хүрснийг баталгаажуулсан ба компанийн менежмент болон 500 гаруй ажилтан, 124 ширхэг хүнд даацын техник; 12 тоног төхөөрөмж нийлүүлэгч бүхий ерөнхий болон туслан гүйцэтгэгч нар уг экспортын замыг 2026 оны 2-р улиралд багтаан ашиглалтанд оруулахаар зорин ажиллаж байна.